Louisa du Toit-omnibus 2

Na die dood van sy vrou vlug Max na die klein dorpie Oskop. Spoedig bevind hy hom in 'n liefdesdriehoek. Anderkant die winter is 'n warm, menslike verhaal. Hoog brand die oesvuur: Een aand klop 'n vrou aan Vicky se deur en vertel haar dat sy eintlik die eggenoot is van Frank Jorissen, Vicky se kerel. Om weg te kom, gaan Vicky Kalahari toe waar sy sorg vir Mienta Vermolen, 'n halfinvalide. Maar dan vind Frank Jorrisen uit waar sy haar bevind. . . In Dans van die seekat aanvaar Leonie 'n pos as musiekonderwyseres om sekerheid te kry oor haar belofte om met Nols Blommeart te trou. Alles is egter nie maanskyn en rose by die hoerskool nie. Sy voel vreemd aangetrokke tot Eddie Faber, wat so anders is as Nols. Nols kom onverwags kuier en sy nuus stuur haar lewe in 'n nuwe rigting. Christa het alles: 'n fantastiese pos en die liefde van haar baas se seun. Maar sy bly soekend. Haar vriendin raai haar aan om Rus-en-Vree toe te gaan en daar kry Christa alles behalwe rustigheid. Onrus op Rus-en-Vree is 'n liefdesverhaal vol intrige en spanning.