Sarah du Pisanie-omnibus 6

"e;In Liefste Koos bevind Elsa Fourie haarself stoksielalleen op die houtkaai op Swakopmund. Kurt, haar verloofde, het beloof om haar op die hawe te ontmoet, maar hy het soos mis voor die son verdwyn. Uiteindelik besluit sy om sy spoor te volg na Otjimbingwe in die binneland. Maar eers moet sy haar reisgenoot, Hermaans Potgieter, oortuig sy kan die tog meemaak. In Jakkalswater rig Oom Bennie 'n moeilike versoek tot Daan: daar is iemand op Walvisbaai wat op hom wag. Hy moet haar gaan haal, en voordat hulle terugkeer na die plaas Jakkalswater, moet Daan eers met haar trou. Daar is geen ander uitweg nie, dit weet Daan. Want 'n vrou alleen tussen die spul mansmense op Jakkalswater gaan net moeilikheid afgee. En in Die winskopie kry Gerhard Fouch snuf in die neus wanneer hy dieselfde verslonste ou oom eers in Lderitz en later in Otavi tekom. Dat di ou oom besig is met konkelwerk, is duidelik, maar waarom is die jong seun aan sy sy 'n handlanger? Dalk moet hy maar ingryp en die seunskind onder sy toesig plaas."e;