Duwweltjiepad

Rudolf Mulder, jongste multimiljoener in die Kaap, se lewe bestaan uit sport, meisies en partytjies. Totdat die noodlot sonder genade ingryp. Die prys vir 'n oomblik van hartstog met die wulpse, blonde Julia Saunders in sy voortsnellende motor is bitter duur: Wanneer hy sy bewussyn in die Conradie Hospitaal herwin, is sy onderlyf verlam. Nou duik 'n skim op uit sy verlede: die mooi swartkopgeitjie met die blitsende groen oe - suster Jo. Hy kan haar nie plaas nie. Sy verwar hom met uitsprake soos: "e;Julle ryk mans gee my 'n pyn. Natuurlik het ek al my sprankel verloor. Ek het dit ses jaar gelede al verloor toe jy . . . Julle mans is almal verraaiers!"e; Verraad? Hy kan nie onthou nie . . . Hier in die hospitaal kom Rudolf agter hoe die Here vooruitloop om die dorings uit die pad te vee. Daarom kan hy weer ja se vir die lewe. Om Jo span die vangnet van die verlede egter al hoe digter. Klein Anton se pleegouers pers haar af om hom vir aanneming aan hulle af te staan; die nuuskierige tant Betta dryf haar in 'n hoek oor die foto in haar huis wat so sprekend na een van Rudolf as kind lyk, en 'n tweede, identiese Rudolf Mulder verskyn op die toneel . . .