Klassiek reeks: Toorberg

In die wilde nagte of bedags as die son bloed uit 'n klip wil trek en 'n mens se gedagtes koorsig maal - dan loop waarheid en verdigsel, geskiedenis en toekoms, lewe en dood deurmekaar op Toorberg, erfgrond van die Moolmans. Hiermee moet die magistraat rekening hou wanneer hy die dood kom ondersoek van klein Noag, 'n kind van die weemoed, wat nie heeltemal van di aarde was nie. En daagliks kring die saak uit, verdiep dit totdat dit selfs die wese van die regspraak uitdaag. Daar word van die magistraat verwag om oor 'n hele stam te oordeel, oor die lewendes en die dodes. Hy moet elkeen se skuld bepaal en daarom almal se "e;sondes oopkrap"e;. Maar die Moolmans is 'n familie wat "e;van die oerdae vir hul eie sondes leer sorg het"e;. Ouers sny kinders uit hul lewens, stoot hulle opsy as Stief-Moolmans-"e;weggooivelle"e; in die Stiefveld, of stedelinge wie se name nie meer oor hulle lippe kom nie. Die Moolmans vergewe nie. Nie as hul stambloed verraai word nie.