Trompie die stouterd (#2)

Trompie trek die nuwe seun in sy klas wat al die onderwysers se witbroodjie is 'n lelike streep. 'n Paar dae later bank hy en sy bende skool om in die kloof te gaan swem, maar 'n onderwyser vang hulle en die skoolhoof gee vir elkeen 'n pak slae. 'n Afgetrede bokser wat in die distrik kom boer, begin 'n klub op die dorp en soek plaaslike talent om te leer boks. Trompie kan sy geluk nie glo nie - hy het nog altyd daarvan gedroom om 'n beroemde bokser te word. Hy kry sy pa sover om vir hom boksskoene te koop, maar wanneer hy in 'n toernooi veg, vind hy uit dat hy nie noodwendig wereldsklas materiaal is nie. Die sirkus kom na Kwaggaberg toe en ons held ontmasker hul kragman as 'n bedrieer. Hy kry die ingewing om geld te maak met sy eie sirkus wat hy in sy ouers se sitkamer hou terwyl hulle weg is. Onnodig om te se, lei dit tot meer as een katastrofe. Die stof het skaars gaan le wanneer Trompie lees van 'n dorpie in Brittanje waar 'n klipgooiende spook amok maak. Hy besluit net daar dis tyd om sy tuisdorp te laat regop sit.