Verstevlei

Soos 'n Don Quijote van ouds dool Renier Proot deur die Suid-Afrikaanse landskap: van 'n uitsiglose bestaan in 'n woonstel in Vereeniging en Huis Genade waar sy suster Michelle opgeneem is, tot die plaas Verstevlei in die Boland waar hy hulp en stuurjonge is vir die bejaarde Bill Andrais, tot 'n kamer in Kaapstad en 'n kroeg in Bellville. Oral op Renier se pad is daar vreemde en vlugtige ontmoetings, en sy omswerwinge raak 'n ondersoek na identiteit, maar veral na die sin van die lewe. Jaco Fouche se kenmerkende skryfstyl - fyn gestem, suiwer, ironies, komies - sorg vir 'n onvergeetlike verhaal. Met hierdie roman het Fouch die derde prys verower in NB-Uitgewers se Groot Afrikaanse Romanwedstryd, 2012. Lof van die beoordelaars: "e;Verstevlei is 'n goed afgewerkte roman wat 'n mens verras met 'n onkonvensionele aanpak van bekende temas in die Afrikaanse literatuur."e;- Louise Viljoen, en "e;'n Reis deur die hoogs sensitiewe gees van die ewige buitestander."e; -Linda Rode